Aquelando

Incrementar a cultura científica e tecnolóxica, mellorar a educación científico-técnica en todos os niveis, impulsar a participación activa da sociedade en actividades de divulgación e achegar a actividade investigadora a todos os públicos son os obxectivos cos que hoxe nace ‘Aquelando’, programa divulgativo dirixido a todos os segmentos de idade, tanto público adulto coma escolares e mozos. ‘Aquelando’ combina contidos atractivos para o público xeralista, como experimentos, análise de falsos mitos ou experiencias na rúa, con outros dunha maior carga científica. Todas estas propostas serán guiadas polos divulgadores científicos David Ballesteros e Manuel Vicente, este último presentador do programa da Radio Galega ‘Efervesciencia’. Ademais, contará no equipo con activos tan valiosos como o profesor experto en Ciencia Cidadá e colaborador do Exploratorium de San Francisco José Viñas; a escritora, blogueira e youtuber Deborah García, especializada en ciencia, arte, química e cosmética, e a directora técnica da Domus da Coruña, Patricia Barciela.

Produción: Ceo Aberto e Mirabelle Comunicación